Árið 2024 markar 50 ára afmæli íþrótta fatlaðra á Íslandi. Á árinu eru tvö elstu félög fatlaðra í landinu að fagna 50 ára afmæli sínu en þau eru Íþróttafélag fatlaðra í Reykjavík og Akur á Akureyri.
Ár hvert stendur Íþróttasamband fatlaðra að sveitakeppni í boccia og ár hvert stendur Lionsklúbburinn Hængur að Hængsmóti á Akureyri. Í tilefni af 50 ára afmæli Akurs á árinu var ákveðið að halda Íslandsmót ÍF í sveitakeppni og Hængsmót í boccia saman helgina 3.-4. maí næstkomandi á Akureyri.
Íslandsmót ÍF í sveitakeppni í boccia er þá leikið föstudaginn 3. maí en Hængsmótið leikið laugardaginn 4. maí og að því loknu og venju samkvæmt skemmtilegt lokahóf að mótunum loknum.
Í haust verður svo eins og fyrri ár haldið Íslandsmót í einliðaleik í boccia og verður það í höfuðborginni og haldið í samstarfi við ÍFR í tilefni af 50 ára afmæli félagsins.
Dagatal ÍF: Íþróttasamband fatlaðra (ifsport.is)
