Íslandsmót Íþróttasambands fatlaðra í einliðaleik í boccia fer fram í Laugardalshöll í Reykjavík helgina 25.-27. október næstkomandi. Síðasta mót fór fram á Sauðárkróki og tókst einkar vel til í framkvæmd heimamanna.
Eins og áður hefur komið fram mun Íslandsmót ÍF í sveitakeppni í boccia fara fram á Akureyri ásamt Hængsmótinu helgina 3.-4. maí næstkomandi. Einliðaleikurinn er svo í október eins og áður greinir og munu nánari upplýsingar um það mót koma síðar.
Mynd/ JBÓ – Ríkjandi Íslandsmeistarinn í 1. deild í einliðaleik í boccia er Sigurjón Sigtryggsson frá Snerpu.
