Borðtennismaðurinn Hákon Atli Bjarkason varði síðustu dögum í Frakklandi þar sem hann tók þátt í ITTF Fa20 SQY French Para Open 2024 borðtennismótinu (opna franska).
Hákon sem keppir fyrir ÍFR/HK varð annar í riðlinum í einstaklingskeppni en þar tapaði hann 3-0 fyrir David Olsson frá Svíþjóð en lagði Brasilíumanninn Arthur Cosa Branco 3-0. Í 8 manna úrslitum mætti Hákon svo Belganum Bart Brands sem hafði betur 3-0.
Í tvíliðaleik lék Hákon með Kanadamanninum Peter Isherwood þar sem þeir höfðu 3-1 sigur í fyrsta leik gegn kanadísku pari. Í 8-liða úrslitum byrjaði viðureignin vel gegn pari frá Taipei þar sem Hákon og Peter unnu fyrstu lotu 11-9 en töpuðu næstu þremur og voru því úr leik.
Mynd/ Hákon og meðspilari hans Peter
