Um helgina, 24. og 25. maí fer fram flokka- og bikarmót Íþróttasambands fatlaðra í sundi í 50 metra laug. Mótið fer fram í Laugardalslaug en keppt verður í fjölbreyttum greinum.
Þátttakendur á mótinu eru 49 talsins, 19 keppendur koma frá Firði, 24 keppendur frá Reykjavíkurfélögunum Ösp, ÍFR pg Ármann, ein sundkona kemur frá Bolungarvík og fimm keppendur koma frá Færeyjum.
Á mótinu verður keppt í frjálsri aðferð, bringusundi, baksundi, flugsundi, þrísundi, fjórsundi og boðsundi. Keppnishald hefst kl. 15:00 á laugardeginum og kl. 10:00 á sunnudeginum.
Við hvetjum fólk að mæta á staðinn og hvetja sundfólk áfram.
