Fjórir íslenskir sunddómarar hafa verið tilnefndir í stór verkefni og þeirra á meðal er Björn Valdimarsson meðlimur í sundnefnd Íþróttasambands fatlaðra. Björn hefur verið tilnefndur af SSÍ sem dómari við Ólympíuleikana í París 2024 sem og á HM50 sem fram fer í Doha 11.-17. febrúar á næsta ári.
Ingibjörg Ýr Pálmadóttir hefur þegar komist að sem dómari á EM25 sem fram í í Búkarest 5.-10. desember næstkomandi. Sótt hefur verið um dómarastörf fyrir þær Ragnheiði Birnu Björnsdóttur og Viktoríu Gísladóttur fyrir EM Masters í Malaga 19.-25. nóvember.
Hér eru á ferðinni reyndir dómarar sem hafa unnið ötullega fyrir sundíþróttina á Íslandi og er það ósk okkar hjá SSÍ og ÍF að allir komist að í þessum spennandi verkefnum sem eru framundan næsta árið.
Mynd/ Björn Valdimarsson meðlimur í sundnefnd Íþróttasambands fatlaðra hefur verið tilnefndur af SSÍ til dómgæslu á Ólympíuleikunum í París 2024.
