Andrésar andar leikarnir fara fram næstu 22.-25. apríl og eru þeir eru fjölmennasta skíðamót landsins, þar einstök stemning þar sem allir fá að njóta sín óháð getu eða reynslu. Á mótinu er sérstakur stjörnuflokkur þar sem fötluðum iðkendum gefst kostur á að taka þátt á sínum forsendum.
Í ár taka fimm keppendur þátt í stjörnuflokknum, þar er ein stúlka í skíðagöngu en aðrir í alpagreinum. „Fjöldinn hefur verið svipaður undanfarin ár en áherslan hefur alltaf verið sú sama: að skapa umhverfi þar sem allir geta tekið þátt og upplifað gleði í gegnum íþróttir“ segir einn af skipuleggjendum leikanna.
Til upplýsinga þá er tekið mið af hæfni hvers og eins við skráningu og keppendur fá að spreyta sig í brautum sem henta þeim best, ýmist með aðstoð eða sjálfstætt. Þannig er tryggt að upplifun hvers barns sé jákvæð og í takt við þeirra styrkleika. Andrésar Andar leikarnir einkennast af því að leikgleðin er í forgrunni fremur en keppnin sjálf. Þar eru öll börn velkomin og fá að njóta sín í öryggu og hvetjandi umhverfi.
Einn af hápunktum mótsins er verðlaunaafhendingin í Íþróttahöllinni en þar fær stjörnuflokkurinn sérstaka viðurkenningu fyrir þátttöku og þrautsegju. Það er því mikil samheldni sem birtist í stjörnuflokknum á hverju ári og verður frábært að fylgjast með þeim næstu helgi.
