Bogfimimaðurinn Þorsteinn Halldórsson er nýkominn heim frá Róm á Ítalíu þar sem hann tók þátt í European Para Archery Cup Leg 1. Það er vefsíðan Archery.is sem greinir frá.
Þorsteinn var eini keppandi Íslands á mótinu og endaði í 17 sæti í einstaklingskeppni trissuboga karla opnum flokki fatlaðra (Compound Men Open).
Þorsteinn var í 31 sæti í undankeppni mótsins með skorið 622.
Í útsláttarkeppni mótsins sat Þorsteinn hjá í 48 manna útsláttarleikjum og mætti svo Jonathon Milne frá Ástralíu í 32 manna úrslitum. Þar var sá Ástralski sterkari og vann leikinn gegn Þorsteini 147-131 og sló Þorstein út af mótinu. Þorsteinn endaði því í 17. sæti mótsins.
