Það verður sannkölluð sundveisla í Laugardalslauginni um helgina þegar sterkasta sundfólk Íslands og sterkt sundfólk frá norðurlöndunum, evrópu, asíu og víðar úr heiminum kemur saman til að hefja 50m tímabilið. Paralympics fararnir okkar þau Róbert Ísak Jónsson, Sonja Sigurðardóttir og Thelma Björg Björnsdóttir verða meðal keppenda um helgina. Sundkeppnin verður ein sú sterkasta sem hefur verið á RIG, von er á um 180 erlendum keppendum en um 350 íþróttamenn munu stinga sér í sundlaugina.
Keppnin fer fram í Laugardalslaug:
– Föstudagur 16:00-20:00 – undanrásir og úrslit
– Laugardagur 9:30-13:00 – undanrásir
– Laugardagur 17:00-19:30 – úrslit
– Sunnudagur 9:30-13:00 – undanrásir
– Sunnudagur 17:00-19:30 – úrslit
Hægt er að fylgjast með keppninni á streymi hér.
