Alþjóða Ólympíuhreyfing fatlaðra hefur nú úthlutað megninu af sætum sem í boði eru fyrir sundkeppnina á Paralympics í París síðar á þessu ári. Ísland hlaut þrjú sæti, eitt fyrir karlmann og tvö fyrir konur.
Sundfólkið Már Gunnarsson, Sonja Sigurðardóttir og Thelma Björg Björnsdóttir hafa hlotið sætin fyrir Íslands hönd og verða því fulltrúar Íslands í París í sundkeppninni.
Paralympics fara fram í París dagana 28.ágúst – 8. september og hefjast skömmu á eftir Ólympíuleikunum. Íþróttasamband fatlaðra óskar Má, Thelmu og Sonju og félögum þeirra innilega til hamingju með farseðlana til Parísar! Már Gunnarsson syndir fyrir ÍRB og MCRactive Manchester en Sonja og Thelma synda báðar fyrir Íþróttafélag fatlaðra í Reykjavík (ÍFR).
Ísland á öflug íþróttafólk sem enn keppir að því að ná tilskyldum árangri fyrir París en það er m.a. í frjálsum, bogfimi og handahjólreiðum en staða þessa íþróttafólks mun skýrast eftir því sem líður frekar á vorið og sumarið.
Hér má nálgast alla keppnisdagskrá íþróttagreinanna á Paralympics 2024
