Þór Þórhallsson lauk keppni í sinni seinni grein á Evrópumeistaramótinu í skotfimi sem fer fram í Osijek, Króatíu. Þór keppti í R5, 10 metra loftriffil í flokki SH2 og lauk keppni með samtals 623 stig, sem skilaði honum 44. sæti. Þetta var önnur grein Þórs á mótinu en hann keppti einnig í R4 á föstudag þar sem hann endaði í 22. sæti. Aðeins átta efstu í hvorri grein komust áfram í úrslit.
Þór hefur þar með lokið keppni á sínu fyrsta Evrópumeistaramóti og óskum við honum til hamingju með þátttökuna og árangurinn í Osijek.
Mynd/Þór Þórhallsson
