Evrópumeistaramót IPC í sundi í 50m laug fer fram í Madeira í Portúgal dagana 21.-27. apríl næstkomandi. Ísland verður með fjóra keppendur á mótinu en þau eru Sonja Sigurðardóttir og Thelma Björg Björnsdóttir báðar frá ÍFR, Már Gunnarsson ÍRB og Róbert Ísak Jónsson Fjörður/SH.
Hópurinn heldur út til Portúgal á morgun en með þeim í för er Ragnar Friðbjarnarson landsliðsþjálfari, Kristín Guðmundsdóttir formaður sundnefndar ÍF, Kristinn Þórarinsson þjálfari og þau Steinunn Einarsdóttir og Gunnar Már Másson aðstoðarmenn.
Sýnt verður frá mótinu í beinni á Youtube-rás IPC sem finna má hér
Mynd/ JBÓ – Róbert Ísak Jónsson er einn fjögurra sundmanna sem keppir á EM í Madeira á næstu dögum.
