Föstudaginn 30. ágúst hófst keppni í frjálsum íþróttum á Paralympics í París. Keppnin fer fram á Stade de France vellinum þar sem allt að 1.069 íþróttamenn munu keppa í 164 verðlaunagreinum.
Í kvöld, laugardaginn 31. ágúst, mun Ingeborg Eide Garðarsdóttir stíga á svið og keppa í kúluvarpi í flokki F37 (flokkur hreyfihamlaðra). Ingeborg býr yfir mikilli reynslu af keppni á alþjóðavísu en þetta verða hennar fyrstu Paralympics. Henni hefur gengið vel í sumar þar sem hún sló eigið Íslandsmet í greininni á Ítalíu þegar hún kastaði kúlunni 9,83m og einnig keppti hún á Heimsmeistaramóti IPC í Japan þar sem hún endaði í 4 sæti.
Keppnin hefst klukkan 17:00 á Íslenskum tíma, 19:00 á frönskum tíma. Áfram Ingeborg!
