Íslandsmót ÍF í frjálsum innanhúss fór fram um helgina, 28. febrúar – 1. mars. Mikil stemning var í laugardalshöllinni þar sem allt okkar fremsta frjálsíþróttafólk var mætt til leiks.
Fjörður varð Íslandsmeistari félagsliða eftir sterka frammistöðu sinna keppenda. Margir áttu eftirminnilegt mót þar á meðal hann Daníel Smári Hafþórsson sem sigraði í öllum sínum greinum þar sem hann setti persónulegt met í 5 af þeim 6 greinum sem hann tók þátt í. Þar stóð upp úr árangur hans í langstökki þar sem hann stökk 5,25 m.
Stefanía Daney Guðmundsdóttir átti gott mót. Stefanía var eini keppandi mótsins sem keppti bæði á Meistaramóti Íslands hjá FRÍ og Íslandsmóti ÍF. Hún varð Íslandsmeistari í 60m hlaupi og langstökki á mótshluta ÍF ásamt því að sýna góðan árangur á mótshluta FRÍ þar sem hún meðal annars endaði í 5 sæti af 16 keppendum í langstökki þar sem hún stökk 5,11 m.
4 keppendur mætti til leiks að keppa í nýjum kaststól í kúluvarpi. Þetta er í fyrsta sinn á Íslandi þar sem keppt er löglega í kúluvarpi fyrir sitjandi flokka. Í flokki F55-57 sigraði Valdimar Númi Hjaltason með 6.95m og í flokki F34 sigraði Sigurjón Ægir Ólafsson með 3.44m
Úrslit mótsins má finna hér
ÍF óskar keppendum og Firði til hamingju með árangurinn
Myndir eftir Magnús Orra Arnarsson
