Hestamannafélagið Hörður í Mosfellsbæ heldur kynningu á hestanámskeiðum sérstaklega ætlað börnum og unglingum með sérþarfir.
Kynning á námskeiðinu fer fram í Reiðhöll Harðar í Mosfellsbæ, laugardaginn 23. ágúst kl. 12:00-13:00. Fá gestir þá að klappa og knúsa hestana, auk þess að fá tækifæri til að fara á hestbak.
Á kynningunni verður einnig sýndur sérstakur búnaður og hnakkar sem nýtast nemendum sem eru lamaðir eða bundnir við hjólastól. Hestanámskeiðin henta öllum börnum með fötlun sem hafa áhuga á hestum og hestamennsku.
Upplýsingar um viðburðinn má finna hér
Ef óskað er eftir nánari upplýsingum er hægt að senda póst á frf@hordur.is
