Dagana 11-16 Nóvember næstkomandi verður heimsmeistaramót í kraftlyftingum haldið í Ljónagryfjunni Reykjanesbæ.
Samhliða því móti verður föstudaginn 15.nóvember haldinn Special Olympics dagur í kraftlyftingum.
Þetta er þriðja árið í röð sem Special Olympics dagur í kraftlyftingum er haldinn samhliða þessu heimsmeistaramóti.
Að sögn Láru Bogeyjar, hjá KRAFT sem sér um skipulag stefnir allt í að þetta verði stærsti og fjölmennasti dagurinn hingað til.
Ísland mun eiga 7 keppendur og höfum við aldrei átt svona marga keppendur á alþjóðamóti fatlaðra í kraftlyftingum segir Lára Bogey.
Alls eru skráðir til keppni 20 keppendur frá 5 löndum en auk Íslands er það Bretland , Rumenia , Bandaríkin , Indland og Kanada.
Alþjóða kraftlyftingasambandið ( IPF ) , Kraftlyftingasamband Íslands , Special Olympics Europe og Special Olympics á Íslandi hafa unnið hörðum höndum að því
að koma kraftlyftingum fatlaðra á betri stað og í meiri útbreiðslu því það geta allir verið með óháð fötlun og getustigi.
Mótið er eins og fyrr segir 15. nóvember í Ljónagryfjunni í Reykjanesbæ og stíga Special Olympics á pallinn kl 14.30.
Við hvetjum alla til að koma og horfa og veita stuðning úr áhorfendapöllunum .
Aðgangur er ókeypis
Á myndinni eru ásamt hópnum Þórunn Brynja og Lára Bogey en þær verða hópnum innan handar ásamt fleiri þjálfurum á mótsdag .
Hópinn skipa : Aníta Ósk , Sigríður , Hulda og María Sigurjónsdætur , Guðfinnur, Emil Steinar og Sigurjón Ægir
