Dagana 1.–3. maí fór fram World Series mót í sundi í París, en þetta er í fjórða sinn sem mótið er haldið.
Róbert keppti þar í 100 metra bringusundi og 100 metra flugsundi. Hann hóf keppni föstudaginn 1. maí í undanrásum í 100 metra bringusundi, þar sem hann synti á tímanum 1:11,19 og varð fimmti inn í úrslit. Úrslitin fóru fram á laugardeginum og þar hafnaði hann í fjórða sæti á tímanum 1:10,92.
Sunnudaginn 3. maí keppti Róbert í undanrásum í 100 metra flugsundi. Þar synti hann á tímanum 1:01,23 og komst þriðji í úrslit. Úrslitin fóru fram síðar sama dag og endaði hann í sjötta sæti á tímanum 1:00,87.
Næst á dagskrá er World Series mót í Berlín dagana 8.–9. maí. Þar mun Róbert keppa ásamt Sonju Sigurðardóttur og Thelmu Björgu Björnsdóttur. Hópurinn er þegar kominn til Berlínar, þar sem hann mun æfa fram að mótinu.
