Sundmaðurinn Snævar Örn Kristmannsson heldur áfram að skrifa íslenska sundsögu á heimsmeistaramóti VIRTUS í Tælandi. Í dag synti Snævar 100m flugsund, lenti hann í öðru sæti og setti einnig nýtt Íslandsmet.
Snævar synti örugglega inn í úrslit og varð fyrstur í sínum riðli. Í úrslitum synti hann á 1:00,69 sekúndum og bætti þar með eigið Íslandsmet og tryggði sér silfur. Alexander Hejajj sigraði en hann setti einnig nýtt heimsmet.
Þetta var þriðja flugsundið hjá Snævari á mótinu og í öllum þremur hefur hann unnið til silfurverðlauna, Snævar er því orðinn annar besti flugsundsmaður heims í sínum flokki!
Á morgun tekur hann þátt í sinni síðustu grein á mótinu en það er 50m skriðsund.
Mynd/ Bergrún: Snævar í verðlaunaafhendingu í 100m flugsundi fyrir flokk 3.
