Eftirtaldir sundmenn hafa verið valdir til þátttöku á Evrópumeistaramóti IPC í sundi sem fram fer í Madeira, Portúgal dagana 21.-27. apríl 2024. EM er síðasta risamótið fyrir Paralympics sem fram fara í París í Frakklandi í ágúst og september á þessu ári.
Már Gunnarsson, ÍRB/ MCRactive Manchester
Róbert Ísak Jónsson, Fjörður/SH
Sonja Sigurðardóttir, ÍFR
Thelma Björg Björnsdóttir, ÍFR
Með þeim í för á Madeira verða Ragnar Friðbjarnarson landsliðsþjálfari og Kristín Guðmundsdóttir formaður sundnefndar ÍF ásamt öðru starfsfólki sem eru Kristinn Þórarinsson, Gunnar Már Másson og Steinunn Einarsdóttir.
Mynd/ Róbert Ísak Jónsson Fjörður/SH er einn fjögurra afrekssundmanna sem keppir fyrir Íslands hönd á EM í Madeira.
