Með hagsmuni barna og ungmenna að leiðarljósi hefura verkfnastjóri verkefnisins “Allir Með” ásamt verkefnastjórum á miðstöðvum Reykjavíkurborgar og íþróttahreyfingunni komið saman og sett af stað aðgerðaráætlun í hverfum borgarinnar til þess að fjölga íþróttagreinum fyrir börn og ungmenni með fötlun í Reykjavík. Komið hefur fram að börn með fötlun hafa sömu þrá og önnur börn, að vera hluti af heild og fá tækifæri til þess að mæta á æfingar með félögum sínum. Börn með fötlun vilja líka fá tækifæri til þess að taka þátt í íþróttum og tómstundum og er það félagslega mikilvægt. Allir vita að íþrótta- og tómstundastarf bætir sjálfsmynd barna sem hefur jákvæð áhrif á geðheilbrigði þeirra. Með þeim áherslum er mikill hugur að vinna saman að því að tryggja aðgengi og aðbúnað þeirra að íþróttum
Á næstu dögum og vikum munu foreldrar barna með fötlun í Reykjavík fá upplýsingar um verkefnið í gegnum þjónustuaðila. Einnig verður áhugasviðskönnun lögð fyrir í þeim tilgangi að verkefnastjórar geti komið á móts við þarfir og áhugasvið barna. Íþróttahreyfingin í Reykjavík mun skipta á milli sín íþróttagreinum sem boðið verður upp á í nærumhverfi barnsins.
Ef þú lesandi hefur ekki fengið upplýsingar um verkefnið Allir með og átt barn, ættinga eða vin sem hefur áhuga á að vera með, endilega hafðu samband við okkur verkefnastjóra á Norðurmiðstöð – Kristófer nökkvi Sigurðsson og Anna Hrönn Aradóttir
